Тодоров промовираше 230 ажурирани клинички упатства за медицина базирана на доказиСкопје, 1 јули 2012 (МИА) - Министерот за здравство Никола Тодоров денеска промовираше 230 ажурирани клинички упатства за медицина базирана на докази.
Станува збор за кратки, концизни и систематски документи, во кои се опишани знаците на болеста, симптомите, дијагнозата и третманот.
- Од овие 230 ажурирани упатства има шест, кои имаат определена промена од моментот на нашиот пресечен датум, а тоа е февруари оваа година. Имајќи предвид дека станува збор за битни упатства, ние се одлучивме и покрај тоа што тие се ажурирани истите да ги обновиме со датум јуни, рече Тодоров на прес-конференција.
Според него, со ова, грешките во лекувањето ќе бидат минимални.
- Ќе овозможиме оваа апликација да биде достапна во секое амбулантно возило и со брзо пребарување, сите информации за полесно дијагностицирање и подобар третман во медицината базирана врз база на докази да може да се презема од вработените од Итната медицинска помош, посочи Тодоров.
Упатствата се доставени до сите медицински факултети, а можат и да се најдат на веб страната на Министерството за здравство.
|