Скопје, 18 јули 2012 (МИА) - Владата одлучи од утре да прекине важноста на мерките за заштита од топлотниот бран бидејќи според УХМР од вчера температурите на територијата на Република Македонија се во рамките на зелената фаза која се очекува да продолжи и во следните неколку денови.
Владиниот портпарол Александар Ѓорѓиев на денешната прес-конференција информираше дека од утре работното време на државните органи, установи и институции ќе биде во законскиот рок во времетраење од 8:30 до 16:30 часот.
- Согласно информациите и препораките на УХМР и здравствените институции, Владата одлучи да ја прекине со важност мерката за забрана на вршење работи на отворено која претходно важеше во периодот од 11 до 17 часот, рече Ѓорѓиев.