Скопје, 3 август 2012 (МИА) - Се уште е активен пожарот што избувна ноќеска половина часот по полноќ, во велешкото село Карабуниште. Како што соопшти Дирекцијата за заштита и спасување, за гаснење се ангажирани две теренски возила со девет лица од Шумското стопанство.
Според Дирекцијата, утрово се локализирани пожарите кај село Крушица - Свети Николе, и во село Орашец - Кумановско, регистрирани вчера вечер околу 23 часот.
Во Крушица горела дабова и нискостеблеста шума. Опожарени се 20 хектари. Интервенирале Територијалната противпожарна единица (ТППЕ) од Свети Николе со едно возило и седум пожарникари, како и ТППЕ Велес и ТППЕ Штип.
Под контрола со помош на противпожарните авиони на Дирекцијата за заштита и спасување е ставен и пожарот што избувна вчера на југоистичните падини на Скопска Црна Гора во атарот на село Виниче.