Во текот на вчерашниот ден почина Александар Самарџиев, кој во петокот беше претепан од членови на партијата „Златна Зора“ во Солун кои од него барале да го смени презимето.
24 Вести јавува дека информацијата за трагичната смрт ја соопштил братот на Александар, кој во моментов е во бегство и се плаши за својот живот.
Силјан Самарџиев, братучет на починатиот, пак во август годинава на двапати бил приведен од грчката полиција и држен во затвор по неколку дена поради неговите активности и борба за македонската кауза во Грција.
Првиот пат бил приведен поради поставување на македонското знаме пред полицијата во Солун, а вториот пат поради најава на социјалните мрежи дека македонското знаме ќе го истакне за време на антимакедонски собир во Солун.
По веста за смртта на Самарџиев, македонските граѓани бараат реакција од државата за убиството од грчките неонацисти во Солун, пишува Прес 24.
Социјалните мрежи се преполни со гневни коментари, а официјалната страна на премиерот Никола Груевски се полни со коментари на револтирани граѓани.