Скопје, 8 октомври 2012 (МИА) - Пад на температурата за седум до 10 степени Целзиусови и ветровито време најави за денеска Управата за хидро-метеоролошки работи (УХМР).
Претпладне ќе биде променливо облачно со локален дожд, а попладне облачноста ќе се намалува. Ќе дува засилен, на места силен северен ветер.
Температурата ќе се движи во интервал од 14 до 23 степени.
Во Скопје и околината слично време, со температура до 19 степени.
Сончево и свежо со мала до умерена локална облачност, наместа со слаб ветер од променлив правец, метеоролозите најавуваат и за утре.