Скопје, 10 јануари 2013 (МИА) - Во пожарот што изутринава избувна во Градскиот трговски центар се зафатени еден дуќан, кафетерија и продавница за готови производи на површина од 50 метри квадратни.
Пожарот, како што информира командирот на Противпожарната единица Скопје Благоја Менковски, е локализиран и не е дозволено негово ширење.
Во гаснењето учествувале 26 пожарникари со 10 противпожарни возила.
Екипите на Противпожарната единица Скопје работат на расчистување на теренот.
Причината за пожарот и проценката за предизвиканата штета ќе биде направена по увидот на полицијата.