На плоштадот „Македонија“ во Скопје пред зградата на Македонски Телеком, меѓу Камени мост и мостот „Око“ денеска е поставен рингишпил.
На вртелешката ќе има декоративен венец и најмалку 32 седишта. Освен пони коњчиња ќе има ротирачки чаши и кочии. Коњчињата се со едно, кочиите со четири, а ротирачките чаши со две седишта.
Вртелешката е финансирана од ЈП „Паркови и зеленило“, а дел од парите доаѓаат од градските власти, како наменска субвенција. Јавното претпријатие ќе стопанисува со вртелешката, а цената на возење треба дополнително да ја одреди Советот на Град Скопје.
