Помала група на демонстранти и денеска се собраа за да протрестираат против пресудата за случајот „Монструм“, пишувателеграф.мк.Според овој портал, за разлика од вчерашните протести кои беа масовни со присуство на неколку илјади претежно млади лица, денеска нивната бројка е многу помала.
Групата која повторно тргна од „Јаја Паша“ по пат превртела неколку контејнери и се упатила кон Општина Чаир. Демонстрантите ја каменувале општинската зграда.
Со неколку шок бомби полицијата успеа да ја разбие малата група демонстранти кои и денеска излегоа на протест.
По неколку минутно скандирање и фрлање со камења на зградата на општината, полицијата успеала да ја разбие групата. Оштетени се повеќе прозорци на општинската зграда. Полицијата и понатаму се таму.
Демонстрантите кон Општината се упатија од Јаја паша џамијата, но денеска во значително помал број од вчера.
Главната улица „Цветан Димов“, се уште е затворена од раскрсницата со улицата „Џон Кенеди“ кон општина Чаир.