Три лица загинаа во напад во ДамаскДамаск, 28 јуни 2015 (МИА) - Три лица загинаа, а 12 се ранети денеска во минофрлачки напад на пазар во североисточниот дел на Дамаск, јави сириската државна телевизија.
Гранатата експлодира на пазар во округот Саруџах североисточно од центарот на градот.
Нападот е окарактеризиран како терористички, но не се соопштени повеќе детали.
Засега никој не ја презел одговорноста за нападот.
Дамаск, седиште на Владата на сирискиот претседател Башар ал Асад беше цел на жестоки напади кон крајот на минатата и почетокот на ова година.
Меѓутоа во последните неколку месеци градот беше поштеден од насилството кое се интензивираше во другите делови на земјата, каде бунтовничките групи се борат против сириската војска на неколку фронтови.
|