Европа, Северна Африка и Блискиот Исток, се соочуваат со бран бегалци што би можел да се претвори во голема хуманитарна криза, а се смета дека оваа ситуација е најсериозна таква криза уште од Втората светска војна.
Поради тоа од Google реагираа и упатија милион евра донации на организациите кои на терен се грижат токму за мигрантите на тие подрачја.
Но, освен тие донации, Google организираше собирање и парични средства од самите жители, кои можат да се уплатат на нивните страници. За секоја уплатена донација, Google од свој џеб ќе уплати уште толкав износ, и тоа за првите пет милиони евра, додека не се соберат вкупно десет милиони евра во донации.
Сите уплатени средства Google по пат на својата организација „Network for Good“ ќе ги проследи на непрофитни организации, кои им помагаат на мигрантите и бегалците.