Токио, 25 ноември 2015 (МИА) - Високиот комесар за бегалци на Обединетите нации Антонио Гутереш побара денеска да се направи разграничување меѓу мигрантите и тероризмот и нагласи дека некои од извршителите на париските напади се осомничени дека се измешале со бегалците за да влезат во Европа.
- Бегалците се жртви на терористите и мошне важно е да се направи тоа разграничување, рече Гутереш во Токио.
Тој истакна дека нападите во Париз не се предизвикани од бегалците и додаде дека напаѓачите била од европските држави.
Во интервјуто објавено денеска во германски весник францускиот премиер Мануел Валс бараше Европа да претстане да прима бегалци поради заканата од џихадистите.
- Хаотичниот прилив на илјадници бегалци преку Балканот придонесе за појава на чувство на несигурност во Европа, рече Гутереш.
Тој повика за воведување поорганизирана контрола на границите на Европската унија, како и за поправедно распределување на бегалците во европските земји, со цел да се избегне сегашниот дисбаланс.