Тунис ја затвора границата со Либија

Tунис, 25 ноември 2015 (МИА) – Тунис објави денеска затворање на границата со Либија во следните 15 дена. Потегот е преземеn по самоубиствениот напад во вторникот во кој загинаа 12 лица од претседателската гарда во центарот на главниот град Тунис.

Одлуката на Советот за национална безбедност на Тунис влегува во сила од полноќ.

Донесено е решение и да се засилат операциите за блокирање веб-сајтови, поврзани со тероризам. Ќе бидат преземени и iтни мерки за лицата кои се враќаат од зони на конфликти.

Советот за национална безбедност на Тунис објави дека идната година ќе бидат вработени дополнителни 3.000 лица во Министерството за внатрешни работи и 3.000 луѓе во армијата. Според властите, извршителите на нападот за кој презеде одговорност ИД, биле обучени во Либија.