Вдовица на поранешен функционер на ИД обвинета за смрта на американска хуманитарка

Багдад, 9 февруари 2016 (МИА) - Ирачанката Нисрен Асад Ибрахим Бахар, вдовица на поранешниот висок функционер на ИД Абу Сајеф, е обвинета за смрта на американската хуманитарка Кејли Милер.

Бахар (25) позната и како Ум Сајеф се наоѓа во затвор во Ирак.

Според ирачкото обвинителство, Ум Сајеф била задолжена да ја чува Милер, дозволувајќи повеќепати Американската да биде силувана од лидерот на ИД, Абу Бакр ал Багдади.

Кејли Милер беше хуманитарна активистка која замина за Сирија, помагајќи им на цивилите во реонот на градот Алепо.

Во 2013 година, таа беше грабната од џихадистите и одведена во заробеништво. Во минатата година, Милер беше убиена.

Абу Сејаф, за кого се тврди дека делувал како министер за нафта и гас во Исламска држава, одговорен директно на Ал Багдади, беше убиен во мај 2015 година, во текот на една операција на специјалните сили на САД.

Неговата соруга Ум Сајеф тогаш беше заробена, а потоа предадена на ирачките власти.

Американското Министерство за правда го поздрави подигнувањето обвинување за вдовицата на џихадистот Абу Сајеф, но изјави дека САД продолжуваат да трагаат по правдата за убиената Кејли Милер.