Едно лице загина и неколкумина повредени во пукотницата во бар во ОхајоХамилтон, 24 јули 2016 (МИА) - Едно лице е убиено, а неколкумина се повредени во пукотницата во барот „Даблс“ во Хамилтон, во американската сојузна држава Охајо, информира локалната полиција.
Како што се наведува во полициското соопштение, на лице место е констатирана смртта на еден маж, а неколкумина повредени се сместени во повеќе болници во околината, пренесе порталот Дејтон дејли њуз.
Полицијата не прецизира колку лица се погодени во пукотницата, како ни дали некој е уапсен заради пукањето.
Очевидец за порталот изјавил дека во барот слушнал најмалку 15 истрели.
Пукањето се случило во два часот по полноќ по локално време.
Во истиот бар и минатата година имаше пукање.
|