ОН: Под итно да се ублажи страдењето во Јемен

Њујорк, 25 август 2016 (МИА) - Обединети нации денеска побараа формирање независно меѓународно тело за спроведување  истрага за кршење голем број човекови права во Јемен.

Во извештајот на ОН наведени се низа примери за кршење на човековите права од страна на сите завојувани страни во Јемен, каде има загинато најмалку 4.000 цивили.

- Цивилите во Јемен со години неподносливо страдаат како последица од вооружените судири. Тие и понатаму трпат, во отсуство на каков било облик на одговорност и правда, а тие кои се одговорни за нивното страдање се неказнети, изјави шефот на правниот сектор на ОН, Зеид Рад ал Хусеин.

Во извештајот се наведени голем број на напади врз станбени населби, пазари, болници и училишта.

Во извештајот на ОН се осудуваат и намерните убиства на најмалку шест новинари, употребата на касетни бомби, мини и снајперски напади, како и користењето на деца-војници. Од јули 2015 до мај 2016 година најмалку 559 деца биле регрутирани за „човечки штитови“ или да се борат.

Според Светска здравствена организација над 6.600 луѓе загинале во судирите во Јемен, вклучително и борци, додека над 33.000 се повредени.

Милиони луѓе во Јемен немаат храна. чиста вода и соодевтна здравствена заштита.