Бразилската полиција и формално го обвини американскит пливач Рајан Лохти, добитник на златен медал на Олимписките игри во Рио, што завршија изминатиот викенд, за „лажно сведочење“ и за давање „лажни“ изјави, по еден инцидент за време на Олимпијадата.
Заедно со обвинувањето, полицијата препорачува , олимпиецот Лохти да биде повикан на сослушување и судење во Бразил.
Тој замина од Рио уште додека се уште траеше Олимпијадата, додека другите тројца Американци од пливачката штафета, кои исто така беа вклучени во инцидентот, беа симнати од полицијата од авионот пред да заминат за САД и одведени на сослушување.
Лохти првично има изјавено дека тој и неговите другари биле изложени на „вооружен грабеж“ на една бензинска пумпа во близината на олимпиското село, од човек кој носел полициска значка.
Бразилската полиција грубо реагираше на ваквото обвинување, тврдејќи дека немало грабеж и дека никој не ги ограбил пливачите.
Полицијата потоа ги обвини сите четворица дека „лажат„ и дека даваат „лажни обвинувања„ отривајќи дека човекот со значка бил приадник на обезбедувањето на бензиската пумпа.
Американските телевизиски станици кои не го бранат Лохти, сепак, прикажаа снимки од безбедносните камери на кои се гледа како пливачите се натерани да легнат на тлото и во нив држи вперен пиштол.
Правни експерти во САД, објаснуваат дека вперувањето оружје и изнудување присилна наплата, претставува „вооружен грабеж„ и во САД, но и во Бразил.
Полицијата во Рио ги отфрла таквите толкувања и го оправдува однесувањето на обезбедувањето, тврдејќи дека пливачите ивршиле „вандализам„ - ја скршиле бравата на вратата од тоалетот.
Лохти подоцна јавно се извини за инцидентот, прифаќајки дека станува збор за негова грешка и дека бил под дејство на алкохол, но сега мора да се брани од обвинување.
Максимална казна за вакво дело е 18 месецизатвор, но брзилски правни експерти објаснуваат дека ако Лохти дојде во Бразил, може да помине со парична казна.