Копнена офанзива на сириските владини сили во Алепо

Дамаск, 27 септември 2016 (МИА) - Сириските влади сили денеска започнаа голема копнена офанзива против бунтовниците во источниот дел на Алепо, соопшти претставник на бунтовничките групи.

Истиот извор тврди дека владините сили ја почнале офанзивата „на четири фронта“ и дека ова претставува досега најголем копнен напад од стартот на операцијата на сириската армија против бунтовниците. што започна минатата недела.   

Од друга страна, претставник на една провладнина правоена формација соопшти дека сириската армија почнала да напредува со тенкови и оклопни возила во реоните на Алепо под контрола на бунтовниците.

Сириската државна телевизија јави дека владините сили напредуваат кон старото градско јадро на Алепо и дека досега веќе презеле контрола врз неколку објекти. Според истиот извор, главна цел на владините сили е населбата Фарафра во централниот дел на Алепо. 

Денешната копненна офанзива на владините сили следува по неколкудневните воздушни напади врз позициите на бунтовниците во Алепо, при што загинаа неколку десетици лица.