Телефонски разговор меѓу Путин и Меркел за ситуацијата во Украина и Сирија

Москва, 29 септември 2016 (МИА) - Рускиот претседател Владимир Путин денеска во телефонски разговор со германската канцеларка Ангела Меркел се осврнаа на украинскиот и сирискиот конфликт, соопшти Кремљ.

Двајцата лидери се согласија за „обновување на напорите за целосна примена на договорите од Минск за прекин на огнот“ во источниот дел на Украина. Тие договориле и идни средби на различни нивоа во нормандиски формат и се согласиле дека е потребно да ги синхронизираат напорите за наоѓање решение за украинскиот конфликт.

Зборувајќи за Сирија, Меркел и Путин повикале за обединување на напорите за прекин на огнот во Сирија врз основа на договорот меѓу Русија и САД.

Путин нагласил дека е од големо значење исполнувањето на ветувањата од страна на американските партнери за разграничување на умерената опозиција од терористичките групи.