Анкара, 26 октомври 2016 (МИА) - Воените операции на Турција во Сирија имаат за цел да обезбедат контрола над сириските градови Ал Баб и Манбаџ, но Анкара нема намера нив да ги прошири до Алепо, изјави денеска турскиот претседател Реџеп Тајип Ердоган.
- Ние водиме заедничка борба против терориситчките организации, но Алепо им припаѓа на неговите жители. Би било некоректно да се прават тајни планови за Алепо, порача Ердоган.
Ваквата изјава на Ердоган следи откако силите лојални на сирискиот претседател Башар ел Асад, порачаа дека ако турската армија продолжи да напредува кон нивните позиции северно и источно од Алепо, ќе наидат на решителен и силен отпор.