Њујорк, 29 ноември 2016 (МИА) - Новоизбраниот американски претседател Доналд Трамп и пензионираниот генерал и поранешен директор на ЦИА, Дејвид Петреус се сретнаа вчера во „Трамп тауер“ во Њујорк.
Шеесет и четиригодишниот Петреус е меѓу имињата кои се споменуваат како можен иден државен секретар во Администацијата на Трамп.
- Трамп покажа дека многу добро се разбира во различни предизвици. Имавме многу корисен разговор, па ќе видиме каде водат работите, истакна Петреус по средбата, која траела околу еден час.
Тој раководеше со воените операции во Ирак и Авганистан, а потоа во 2011 година беше именуван за директор на ЦИА, но подоцна поднесе оставка поради љубовна афера. Петреус тогаш призна дека е виновен и дека и открил доверливи информации на својата љубовница Пола Бродвел.
- Туку што се сретнав со генерал Петреус и многу сум пријатно изненаден, напишна Трамп на Твитер.