ОН: Досега 10.000 цивили се убиени во судирите во ЈеменСана, 16 јануари 2017 (МИА) - Претставник на ОН за хуманитарна помош во Јемен изјави денеска дека за време на речиси двегодишните судири во земјата се убиени 10.000 цивили, а 40.000 се повредени.
Шефот на Канцеларијата за координација на хуманитарна помош Џими МекГолдрик изјави дека бројот на жртвите, добиен според документацијата на здравствените установи, би можел да биде и поголем.
Ова е првпат официјален претставник на ОН да потврди толку висока бројка на убиени во Јемен. Претходно, ОН објавија дека во војната се убиени 4.200 цивили.
|