Техеран, 10 февраури 2017 (МИА) – Тие кои упатуваат закани кон Техеран ќе зажалат, изјави денеска претседателот на Иран Хасан Рохани обраќајќи им се на приврзаници на марш по повод годишнина од Исламската револуција.
– Вака голем број луѓе е одговор на лажните изјави на новите власти во белата куќа, а луѓето со свое присуство му зборуваат на светот дека за иранскиот народ мора да се зборува со почит, нагласи Рохани.
Тој додаде дека секој кој им се заканува на Владата и армијата на Иран треба да знае дека иранската нација е внимателна.
Властите во САД на 3 февруари воведоа нови санкции спрема Иран поради испукување балистичка ракета и поддршка за Хутите, бунтовници во Јемен.