Израел со сирени им одаде почит на жртвите од Холокаустот

Ерусалим, 24 април 2017 (МИА) - Со звуците на сирените Израелците денеска застнаа на миг да им одадат почит на милионите еврејски жртви на Холокаустот во текот на Втората светска војна.
Двеминутниот звук на сирените е централниот настан во текот на годишното одбележување на Денот на сеќавањата на Холокаустот во текот на Втората светска војна. Граѓаните застанаа на улиците и излегоа од автомобилите и со наведнати глави им одадоа почит на жртвите.
Ова е еден од најтажните денови во земјата, кога во училиштата и локалните центри се оддржуваат свечени церемонии. Кафулињата и сите места за забава се затворени, додека телевизиските и радио станиците емитуваат документарни програми за Холокаустот, во кој во текот на Втората светска војна беа убиени шест милиони Еевреи.