САД го проширија списокот со санкции кон ВенецуелаВашингтон, 9 август 2017 (МИА) - Владата на Доналд Трамп денеска го прошири списокот со санкции за Венецуела за уште 40 организации и 30 физички лица заради поткопување на демократијата. Меѓу нив се осум венецуелски функционери, вклучувајќи го и братот на починатиот претседател Уго Чавес, Адан Чавес, заради неговата улога во создавањето на новото Уставотворно собрание на Николас Мадуро, пренесе ТАСС.
Новите мерки, што ги соопшти Стејт департментот, предвидуваат замрзнување на сметките на посочените лица од администрацијата на Трамп, забрана за патување во САД и забрана за Американците да имаат бизнис со овие лица и организации.
Вашингтон минатата недела му воведе санкции и на самиот Николас Мадуро, а пред тоа, на 26 јули, вакви казнени мерки воведе и против други 13 Венецуелци.
|