Американскиот претседател Доналд Трамп изјави дека САД се подготвени за воена опција во решавањето на нуклеарната криза околу Северна Кореја и предупреди дека нејзиното евентуално спроведување ќе има многу сериозни последици врз Пјонгјанг.
- Целосно сме подготвени за втората опција, но таа не е најпосакуваната опција. Но, ако ја преземеме, ви кажувам, таа ќе биде катастрофална за Северна Кореја. Оваа опција се нарекува воена. Ако треба да ја примениме, ќе го направиме тоа, изјави Трамп на заедничка прес-конференција во Белата куќа со шпанскиот премиер Маријано Рахој.
Рахој рече дека Шпанија ќе поддржи секое политичко решение за решавање на кризата околу Северна Кореја.
САД воведоа нови санкции за осум севернокорејски банки и 26 банкарски раководители од Северна Кореја.
Санкцииите се воведуваат врз основа на одлуката на Трамп, потпишана минатата недела и насочена против пристапот на Северна Кореја до меѓународниот банкарски систем.