Американецот Ламонти Меклентајер е ослободен од затвор по 23 години кои ги поминал таму поради судска грешка.
Тој во 1994 година бил осуден за двојно убиство. Во тоа време, на 17-годишна возраст, добил две доживотни казни врз основа на сведочења, кои подоцна биле повлечени.
Обвинителот за случајот не претставил никакви физички докази за да докаже дека Меклентајер бил поврзан во двојното убиство.
Сега, повеќе од 20 години подоцна, судија започнал да го преразгледува случајот.
Американски обвинител вчера наведе дека нови информации покажуваат дека Меклентајер веројатно не е вмешан во двојното убиство.