Сандерс: Набрзо ќе се знае дали Северна Кореја е спонзор на тероризмот

Претседателот на САД, Доналд Трамп следната недела ќе објави дали Северна Кореја ќе биде ставена на американската листа на држави кои спонзорираат тероризам, соопшти Белата куќа.

- Верувам дека претседателот ќе соопшти... на почеток од следната недела, изјави портпаролката на Белата куќа, Сара Сандерс.
На црната листа на САД во моментот се наоѓаат само три држави - Иран, Сирија и Судан. Северна Кореја беше на листата држави кои спонзорираат тероризам  во периодот од 1988 до 2008 година поради вмешаност во соборувањето на патнички јужнокорејски авион, кој леташе од Абу Даби за Бангкок во 1987 година, при што загинаа 115 луѓе.

Во 2008 година, за мандатот на Џорџ Буш Помладиот, Северна Кореја е избришана од листата во замена за контрола на сите нуклеарни постројки во земјата.
Ако Северна Кореја биде ставена на црната листа на САД, тоа ќе го засили притисокот врз Ким Џонг-ун за да се откаже од нуклеарната програма.