Обединетите нации ќе создадат фонд за поддршка на третманот на пациенти со коронавирус ширум светот, соопшти денеска Министерството за надворешни работи на Норвешка.
„Мулти-донаторски фонд под покровителство на ОН ќе обезбеди предвидливост за нашите партнери и ќе помогне да се направат напорите поефективни“, нагласи министерот за надворешни работи Ине Ериксен Соереиде во изјавата.
Целта на фондот е да им помогне на земјите во развој со слаби здравствени системи во справувањето со кризата, како и да се справат со долгорочните последици, додаде министерството. Формалната објава се очекува во оваа недела, се вели во соопштението.
Речиси 340.000 луѓе се заразени од новиот коронавирус низ целиот свет и повеќе од 14.500 ги загубија животите.