Трамп објави дека повторно ќе се кандидира за претседател на САД

Поранешниот претседател на САД, Доналд Трамп синоќа информираше дека почнува со неговата трета претседателска кампања, со што се одлучи за предвремен почеток на трката за републиканска номинација за изборите во 2024 година.



– За Америка да биде повторно голема и величествена, вечерва ја објавувам кандидатурата за претседател на Соединетите Американски Држави, нагласи Трамп пред стотици поддржувачи, членови на клубот и пред новинари во салата на имотот Мар-а-Лаго на Флорида.

Тој стоеше покрај американски знамиња и транспаренти со слоган „Да ја направиме Америка повторно голема“.

– Се кандидирам затоа што верувам дека светот сè уште не видел колку оваа земја навистина може да биде величествена. Повторно ќе ја ставиме Америка на прво место, посочи Трамп.

До објавата дојде само една недела по разочарувачките резултати на републиканците на изборите, што ќе ја натерат партијата да одлучи дали да ја поддржи кандидатурата на Трамп. Тој со одбивањето да го прифати поразот во 2020 година, поттикна бунт и ја доведе американската демократија на работ, пренесе Бета.

Уште една претседателска кампања е пресврт за кој било поранешен претседател, а особено за таков, кој влезе во историјата како прв кој е двапати отповикан и чиј мандат заврши со тоа што негови поддржувачи упаднаа во Капитол со цел да го запрат мирниот трансфер на власта, на 6 јануари 2021 година.

Во поголемиот дел од говорот, Трамп избегнуваше да именува одредени лица, нешто што го правеше за време на неговите претходни собири, а наместо тоа, го критикуваше актуелниот шеф на државата Џо Бајден и зборуваше за, како што тој смета, неговите успеси додека бил претседател.

Трамп влегува во трката во чувствителен политички момент. Тој се надеваше дека ќе го објави почетокот на кампањата по голема победа на републиканците на среднорочните избори за Конгресот, поттикната со кандидатите кои ги поддржуваше во предизборната кампања. Меѓутоа, многумина од нив изгубија, што им овозможи на демократите да ја задржат контролата над горниот дом на Конгресот, Сенатот а републиканците се само близу до тенко мнозинство во долниот, пишува Бета.

Трамп се соочува со критики од сопствените сојузници, кои велат дека е време републиканците да гледаат кон иднината. Гувернерот на Флорида, Рон ДеСантис се најавува како фаворит за републиканскиот кандидат за Белата куќа.

Трамп е сè уште популарен во изборната база на партијата, но, други републиканци, вклучувајќи го поранешниот потпретседател Мајк Пенс, сè повеќе преземаат чекори во јавноста кон сопствени кампањи. Тие укажуваат на тоа дека Трамп ќе има голема конкуренција во трката за републиканска претседателска номинација.

Само еден претседател во историјата на САД е избран во два непоследователни мандати. Тоа е Гровер Кливленд на изборите во 1884 и 1892 година.



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот

Детето: Тато, види имам температура 38.
Таткото: Ништо не е тоа бе сине. Сум имал јас 50, па и 60 еднаш.
Мајката: Не го лажи детето бре, знаеш дека не може да имаш...
webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Веста се ажурира
Верски календар
На денешен ден
- Меѓународен ден за борба против корупцијата.
1594.- Роден е шведскиот крал Густав Втори...
1608. - Во Лондон е роден Џон Милтон, англиски...
1638.- Во Дубровник умре Иван Гундулиќ, хрватски...