Администрацијата на Трамп побара од ФБИ список на пробни вработени и индивидуални објаснувања за задржување на секој што бил во бирото помалку од две години, пишува Ен-Би-Си Њуз, додавајќи дека тоа предизвикало стравувања во бирото поради можни нови отпуштања.
Ова доаѓа во време на тековниот спор околу напорите за собирање на имињата на вработените во ФБИ кои работеле на случаите на 6 јануари 2020 година, и откако федералниот судија потпиша договор во петокот со кој се забранува јавно објавување на списокот на вработени во ФБИ кои работеле на големата истрага, која стана најголема во историјата на ФБИ, со повеќе од 1.500 обвинети. За 21 ден од инаугурацијата на Трамп, неговите именувани направија промени во ФБИ со огромна брзина - Трамп масовно ги помилува осудените бунтовници од 6 јануари, додека еден од нив го назначи за главен федерален обвинител во Вашингтон.
Неговата администрација отпушти федерални обвинители кои беа ангажирани да работат на случаите на 6 јануари, а отпуштени беа и вработени во Министерството за правда кои претходно беа во тимот на специјалниот советник Џек Смит, кој го гонеше Трамп.
Шефот на теренската канцеларија на ФБИ во Вашингтон беше сменет, како и највисоките функционери на бирото, а соработник на Илон Маск и други добија водечки улоги во седиштето на бирото.