Ѓокица Лукаревски награден на фестивал во Котор Скопје, 10 јули (МИА) - Актерот Ѓокица Лукаревски освои награда на 14-тиот Фестивал на театри за деца во Котор, Црна Гора, кој се одржа од 6-ти до 10 јули.
Лукаревски доби актерска награда за ликот на Кралот Кускуле Први во истоимената претстава од Васил Пујовски, во режија на Коле Ангеловски.
Во претставата учествуваат и Јасмина Мицевска, Елена Трајковска, Драган Довлев, Тања Кочовска, Предраг Павловски, Катарина Илиевска и Владимир Лазовски.
Сценографијата е на Љубомир Чадиковски, костимографијата на Александар Ношпал, музиката на Љупчо Мирковски и кореографијата на Ана Левајковиќ.
|