АПЕММ со забелешки како МРТ ги троши средствата добиени за нејзина санација

Скопје, 8 мај (МИА) - Агенцијата на приватни електронски медиуми на Македонија (АПЕММ) во денешното соопштение до медиумите забележува дека Македонската радио-телевизија средствата, што според нивни сознанија годинава треба да ги добие од Владата за санирање на состојбата на куќата, ги троши за набавка на строго комерцијални програми од домашни и странски продуценти.

Со тоа според АПЕММ од средства што се црпат од државниот буџет се прави нелојална конкуренција на приватните електронски медиуми.

АПЕММ смета дека во Македонија треба да постои силен јавен медиумски сервис кој првенствено ќе ги насочи капацитетите за поставување техничи - технолошки и кадровски стандарди со што ќе придонесува за подигање на општото ниво на медиумите, но е незадоволен од односот на државата кон Македонската радио-телевизија и затоа ја повикува Владата да го контролира трошењето на средствата што ги добива МРТ.