Просечната плата во Турција поголема од минималната заработувачка во девет земји-членки на ЕУ Анкара, 18 јуни (МИА) - Со просечната плата од 298 евра Турција се наоѓа пред девет земји-членки на ЕУ, објави турското електронско издание „Интернет хабер“, повикувајќи се на податоци на статистичката служба на Унијата, Евростат.
Во Бугарија минималната заработувачка е 92 евра, во Романија - 114 евра, во Летонија - 172 евра, во Литванија 217 евра. Словаците земаат минимум 217 евра месечно за својот труд, Естонците - 230 евра, Полјаците - 246 евра, Унгарците - 258 евра и Чесите - 288 евра.
Во другите балкански земји-членки на ЕУ - Словенија и Грција, просечната заработувачка изнесува 522, односно 668 евра.
Држава со највисока минимална плата во ЕУ е Луксембург со 1.570 евра, а по неа следува Ирска со 1.403 евра.
|