Брисел, 11 септември (МИА) - Високиот претставник на Европската унија за надворешна и безбедносна политика, Хавиер Солана побара итен состанок со главниот ирански преговарач за нуклеарната програма Саид Џалили.
- Ние сме во контакт со канцеларијата на Џалили за да организираме средба што е можно побрзо. Сите во ЕУ сакаат ефикасни преговори со Иран, истакна Солана.
Шестте големи сили (Русија, Кина, САД, Франција, Велика Британија и Германија) претходно му предложија на Иран елиминирање на нуклеарното оружје, соработка за прашањата поврзани со Авганистан и вклучување на Техеран во борбата против тероризмот.
Иранскиот претставник во Меѓународната агенција за нуклеарна енергија (МААЕ), Али Асгар Солтани вчера изјави дека Техеран нема да преговата за спорната нуклеарна програма.