Техеран, 28 септември (МИА) - Иранските вооружени сили денеска извршија успешна проба на ракетите со голем дострел „Шахаб-3“ и „Саџил“, објавија иранските медиуми.
И двете ракети се со радиус на дејствување од 2.000 километри, што означува дека можат да достигнат објекти во Израел и американски воени бази во Персискиот Залив.
Пробите се извршени во рамки на завршните денеска воени вежби на Корпусот на гардистите на Исламската револуција.
„Саџил“ е една од последните достигнувања на иранскиот воено-индустриски комплекс. Таа се разликува од „Шахаб-3“ по тоа што е двостепена, работи на цврсто гориво и има поголема прецизност и брзина на продолжување.
За време на маневрите, познати под името „Големиот пророк-4“, иранските вооружени сили извршија исто така успешни проби на ракети „земја-земја“ со мал и среден дострел.