Техеран, 29 септември (МИА) - Ирански пратеници ги предупредија денеска светските сили да не ги повторуваат грешките од преговорите во Женева оваа недела бидејќи ако тоа се случи, може да ја натераат Владата да прекине со соработката со Меѓународната агенција за атомска енергија.
Во исто време високиот претседател на Европската унија за надворешна политика и безбедност Хавиер Солана изјави дека светските сили ќе бараат гаранции од Иран дека нуклеарната програма е за мирни цели.
- Тоа нема да биде лесна задача, изјави тој. Според него, западните сили се одлучни да продолжат со ангажманот со Иран и покрај преговорите со Техеран кои се доста тешки. Освен Солана во разговорите со главниот ирански преговарач Саид Џалили ќе учествуваат и претставници од САД, Русија, Кина, Велика Британија, Франција и Германија.
Портпарол на кинеското МНР изјави дека Пекинг сака охрабрувачки резултати од претстојните (в четврток) преговори меѓу Иран и петте постојани членки на СБ на ОН плус Германија.