Вашингтон, 2 октомври (МИА) - Американскиот претседател Барак Обама вчерашните преговори меѓу „шесторката“ и Иран ги оцени како конструктивни, но предупреди дека Техеран од ветувања треба да помине на дела односно да почне да соработува со меѓународната заедница.
- Иран треба да покаже конкретни чекори дека се придржува до одговорностите поврзани со нуклеарната програма и да им дозволи на инспекторите од Меѓународната агенција за атомска енергија (МААЕ) пристап до нуклеарните објекти, истакна Обама.
Тој повтори дека трпението на САД не е бескрајно и оти ако Техеран не ги исполни обврските во блиска иднина Вашингтон ќе го засили притисокот.