Техеран, 7 октомври (МИА) - Иранскиот претседател Махмуд Ахмадинеџад денеска изјави дека „некои држави“ му понудиле на Иран до 20 проценти збогатен ураниум, што земјата ќе го користи како нуклеарно гориво.
- Имаше неколку понуди од поединечни држави и групи држави. Ние сме подготвени за преговори со сите заинтересирани, Иранските експерти наскоро ќе разговараат со продавачите, истакна Ахмадинеџад, додавајќи дека до сега не е реализиран таков договор.
Претставниците на некои земји наведоа дека Франција е подготвена за производство на нуклеарно гориво за иранскиот нуклеарен реактор.