Њујорк, 9 октомври (МИА) - Советот за безбедност на ОН го продолжи за една година мандатот на предводените од НАТО сили во Авганистан.
Советот едногласно донесе резолуција (1890) со која мандатот на Меѓународните сили за поддршка на безбедноста во Авганистан се продолжува до 13 октомври 2010 година.
ИСАФ се под команда на НАТО и нивната бројка е 65.000 луѓе.
Во документот се нагласуваат поважните задачи на силите во заштита на цивилното население, обука и подобрување на можностите на авганистанските сили за безбедност за да можат да ја преземат контролата за безбедноста во државата.