Светската економска криза го празни и буџетот на НАТО. Во касата на алијансата недостигаат 50 милиони евра, а на долг рок десет милијарди.
На состанокот на министрите на НАТО во Братислава, се разговарало за тоа дали мисијата во Авганистан треба да ги “проголта “ сите пари, на штета на потребите на земјите членки. Станало збор и за новиот план за противракетна одбрана,од кој се откажала Америка.
За меѓународната мисија во Авганистан немало пари и војници. Командантот, американскиот генерал Стенли Мекристал, побарал уште 40.000 војници.
Генералниот секретар на НАТО, Андрес Фог Расмусен на средбата кажал дека меѓународната заедница мора да вложи во зајакнувањето на Авганистаците, сами да ја водат својата битка и повторно да се спречи тероризмот да процвета.
Земјите членки тешко се одлучувале да испраќаат војници и да даваат пари.. Повеќето од нив чекале да видат колку САД ќе испрати и кој ќе биде нов претседател на Авганистан.
Според аналитичарите во суштина станува збор за спор во приоритетите на воената алијанса.
Членките од средна и источна Европа изразиле загриженост за безбедноста после одлуката на Вашингтон, за откажување на против ракетниот штит. Америка понудила поставување на мобилни антибалистички ракети, пренесува српски “Прес“.