Копнехаген, 18 декември (МИА) - Кина ги блокира преговорите за завршниот документ на Конференцијата на ОН за климатските промени, што се одржува во Копнехаген, изјави денеска францускиот претседател Никола Саркози.
- Се уште не е постигнат договор на преговорите за климатските промени. Противењето на Кина на системот за мониторинг на емисиите на јаглерод диоксид е главен камен на сопнување, нагласи Саркози по средбата со американскиот претседател Барак Обама во Копенхаген.
Несогласувањата околу содржината на завршниот документ на собирот беше причина за одлагање на почетокот на денешното заседание на Конференцијата на ОН за климатските промени.
- Преговорите траеја цела ноќ без прекин. Добра вест е тоа што тие продолжуваат, а лоша, што не дојдовме до решение, рече Саркози.
Според него, Кина категорично се противи да дозволи меѓународни набљудувачи да ги следат нејзините емисии на јаглерод диоксид во атмосферата.