Порт-о-Пренс, 20 јануари (МИА) - Спасувачките екипи извлекоа жена, која цела недела се наоѓала под урнатините на катедрала во главниот град на Хаити, Порт-о-Пренс.
Жената е пронајдена од германските и мексиканските спасувачки тимови.
Таа била на возраст меѓу 60 и 70 години и тврди дека под црквата, кој се урна во катастрофалниот земјотрес, имало и други преживеани.
Земјотресот со интензитет од седум степени според Рихтеровата скала, кој го погоди Хаити на 12 јануари, разурна поголем дел од главниот град на оваа сиромашна карипска држава.