Вашингтон, 12 февруари (МИА) - Иранската влада, се чини, стравува од сопствениот народ и прави обид да наметне целосен информативен мрак, изјави Белата куќа, цитирана од светските агенции.
САД го поддржуваат правото на демонстрантите во Иран слободно да се изразуваат, без закана од репресии, се наведува во соопштението.
Белата куќа се сомнева ви тврдењата на Иран дека почнал процес на 20-процентно збогатување ураниум. Овие тврдења се мотивирани од политиката и се неосновни од научна гледна точка, се посочува во декларацијата.
Репресиите на иранската влада врз учесниците на масовните протести, што ја зафатија земјата по повод одбележувањето на 31-годишнината од Исламската револуција, се сведоштво за неуспехот на режимот, изјави портпаролот на Стејт департментот Филип Кроули.
-Континуираното заплашување од страна на владата многу не загрижува, но според нас тоа говори за нараснатата нестабилност на иранскиот режим, рече Кроули.