Вашингтон, 2 март (МИА) - Разорниот земјотрес кој на 27 февруари го погоди Чиле и предизвика најмалку 700 жртви, најверојатно ја измести оската на Земјата и со тоа е намалено траењето на денот, соопшти НАСА.
- Земјотресите може да предизвикаат поместување на стотици километри карпи за неколку милиметри што ја менува распределбата на тежината на планетата, а тоа влијае на ротирањето ан Земјата, изјави геофизичарот од НАСА Ричард Грос.
- Проценките укажуваат дека должината на денот веројатно е намалена за 1,26 микросекунди, наведува Грос и додаде дека оската околу која е масата на Земјата веројатно е поместена за околу осум сантиметри. За тие пресметки научниците од НАСА користеле компјутерски модели.