Бангкок, 17 март (МИА) - Демонстрантите, кои себе си се нарекуваат „Црвени кошули“, ја испрскаа денеска со крв куќата на тајландскиот премиер Абисит Веџаџива, бидејќи Владата ги отфрли нивните барања за распишување нови избори.
- Го остваривме она поради што дојдовме овде. Ја полеавме куќата на Абисит со крвта на обичниот народ, со што ги изразивме нашите желби, истакна еден од демонстрантите, додавајќи дека полевањето претставува „симболичен чин на жртвување за демократијата“.
„Црвените кошули“, кои се приврзаници на поранешниот тајландскиот премиер Таксин Шинаватра и доаѓаат главно од руралните области, веќе четири дена протестираат против урбаната елита, ројалистите и армијата, кои според нив не им дозволиле да има избори.