Брисел, 5 април (МИА) - Европската унија остро ги осуди вчерашните бомбашки напади во близина на амбасадите и дипломатските претставништва во центарот на Багдад, во кои загинаа најмалку 42 лица, а 200 се повредени.
Во соопштението од портпаролот на високиот преттсавник на ЕУ за надворешна политика и безбедност Кетрин Ештон се наведува дека нападите се во спротивност со заедничката цел за мирен и демократски Ирак.
- Големата излезност на изборите на 7 март покажа дека ирачкиот народ е посветен на демократијата. Ирачкиот народ храбро се обврза за гради подобра иднина за својата земја, се вели во соопштението.
Многу е важно, се додава во соопштението, ирачките политички партии и лидери да упатат повик на воздржаност и да продолжат да ги зајакнуваат демократските институции.