Вашингтон, 6 април (МИА) - Групата Викилик прикажа тајна снимка на американската армија во која се гледа како во напад од хеликоптер животот го губат десетина луѓе во Багдад меѓу кои две лица од тимот на Ројтерс.
Официјален претставник на американското Министерство за одбрана ја потврди автентичноста на снимката.
На инсертите е прикажано како е отворен оган врз група од девет луѓе кои се собрани на агол од улица, а потоа и на лица од комбе кое застанало да им помогне на ранети.
Речиси три години по нападот е прикажана снимката.
Викилк групата се бори против корупција и снимката ја објави на прес конференција. Нападот бил извршен на 12 јули 2007 година и во него загинаа Намир Нур Алдин (22), фоторепортер на Ројтерс и Саид Чмаг, возач од екипата на таа агенција.
Портпаролот на Викилк ја отфрли официјалната воена оценка дека нападот бил оправдан. Според него, војниците во хеликоптерите се однесувале како да играат компјутерска игра и сакаат „да постигнат што повеќе поени со убивање на противници“.
Официјалниот став на американската армија беше дека нападот бил оправдан. Иако Ројтерс бараше да му се достават снимките од кокпитот на хеликоптерот, тоа никогаш не беше направено.