Рио де Жанеиро, 7 април (МИА) - Бројот на жртви во поплавите во бразилската држава Рио де Жанеиро се искачи на 95 додека повеќе од 100 луѓе се повредени, а најмалку 1.600 принудени да ги напуштат домовите.
Врнежите дополнително ја усложнуваат ситуацијата во градот Рио де Жанеиро и соседниот Нитерој. Властите предупредија на опасности и советуваат жителите навреме да се упатат кај свои роднини и пријатели на безбедни места.
Сообраќајот во Рио е парализиран поради поплавени улици, а многу патишта се блокирани. Бразилскиот претседател Лула да Силва ги повика Бразилците да се молат да престанат дождовите, јавуваат американски медиуми.