Бангкок, 14 мај 2010 (МИА) - Антивладините демонстранти во Тајланд запалија возила на безбедносните сили во центарот на Бангкок, со цел да ги спречат воените единици да ги протераат од поставените шатори во елитниот кварт.
Во реонот се слушаат истрели, меѓутоа причините за тоа се уште не се познати.
Тајландската армија претходно најави дека започнува операција, за да ја преземе контролата врз реонот во центарот на Бангкок, кој е заземен од околу две илјади приврзаници на „црвените кошули“.
Новите насилства започнаа по синоќешните судири, во кои еден беше убиен, а осуммина лица повредени, меѓу кои и генерал-мајор Хатија Савасдипол, кој му даваше поддршка на антивладиниот Обединет фронт за заштита на демократијата од диктатура.