Пјонгјанг , 29 мај 2010 (МИА) - Министерството за надворешни работи на Северна Кореја одлучно се спротивстави на вчера обелоденетите резултати од истрагата на Советот за безбедност на ОН за инцидентот со потопувањето на јужнокорејската корвета „Чонан“ , пренесоа руските медиуми.
САД и овој пат го користат инцидентот за да го засилат меѓународниот притисок врз Корејската народнодемократска република (КНДР), го изразува своето незадоволство севернокорејското МНР
-Државниот секретар (Хилари Клинтон) изговори цел куп тотални лаги и ја нарече Северна Кореја главен виновник за потопувањето на бродот. Тоа е чиста измислица, изјави севернокорејски дипломат.
Тој дополни дека меѓу причините за оваа позиција на Вашингтон се стремежот да создаде околу Северна Кореја атмосфера на непријателство и да ги блокира странските инвестиции во севернокорејската економија, која сака да ја задуши.
Владата на Барак Обама има за цел да ја натера Кина да се чувствува непријатно, да се претстави како посилна во предвечерието на делумните избори и да ја заплаши Јапонија, за да ја зачува својата базата на островот Окинава, додаде дипломатот, цитиран од западни агенции.